miércoles. 28.10.2020 |
El tiempo
miércoles. 28.10.2020
El tiempo

Controlado un incendio forestal na Coruña tras queimar 15 hectáreas

Un avión sufoca as chamas do incendio forestal da Coruña. CABALAR (Efe)
Un avión sufoca as chamas do incendio forestal da Coruña. CABALAR (Efe)
O lume iniciouse na zona de Bens preto das tres da tarde deste martes

Un incendio forestal declarado na tarde deste martes na Coruña quedou controlado ás 20.52 horas, tras calcinar quince hectáreas aproximadamente, informaron a Efe fontes da Consellería de Medio Rural.

O lume iniciouse na zona de Bens, a parroquia de San Pedro de Visma, ás 14:53 horas, momento en que varios particulares deron aviso aos Bombeiros da Coruña e ao 112 Galicia. 

Medio Rural mobilizou a dous axentes, seis brigadas, catro motobombas, unha pa, dous helicópteros e dous hidroavións. Ademais, dúas dotacións de seis persoas dos Bombeiros da Coruña tamén traballaron para sufocar o incendio forestal.

Segundo indicaron os Bombeiros do parque da Grela, en declaracións a Efe, trátase dunha zona "de moi difícil acceso", encima da depuradora, e os labores de extinción víronse dificultadas debido ao forte vento.

Así mesmo, a Policía Local e a Policía Nacional desprazáronse á zona para controlar os accesos.

Controlado un incendio forestal na Coruña tras queimar 15 hectáreas
comentarios