Un incendio rexistrado onte pola noite no municipio ourensán de Carballeda de Valdeorras quedou controlado esta tarde tras calcinar unhas 80 hectáreas de monte raso, segundo informou hoxe a Consellería de Medio Rural.
O citado departamento da Xunta precisou que o lume foi detectado cara ás 22:00 horas de onte na parroquia de Robledo e engade que as 15:21 horas de hoxe resultou controlado.
Nos traballos de extinción participan dous técnicos, seis axentes forestais e nove brigadas co apoio de dúas motobombas, unha pa, un avión e dous helicópteros.
