Un incendio forestal rexistrado durante a tarde de onte na localidade coruñesa de Ribeira causou certa alarma entre os habitantes da zona debido a que o forte vento complicou durante horas as tarefas de extinción.
O incendio quedou controlado druante a madrugada deste mércores, preto da 1 horas, tal e como confirma Medio Rural, tras queimar unhas 20 hectáreas. Segundo informacións apuntadas por outros medios, a extensión afectada podería chegar ás 50 ha.
Fontes de Protección Civil de Ribeira informaron a última hora de onte a Efe de que o lume era "bastante grande" pero non afectara, ata onte pola noite, nin a vivendas nin a vías de comunicación como a autovía do Barbanza.
As chamas iniciáronse ás 18:30 horas na zona de Palmeira, onde acudiron cuadrillas rurais e dúas autobombas de Ribeira.
(EFE/Sxenick)
