O Consello Consultivo ve contraria ao dereito a última subida de peaxes na AP-9

O órgano reprocha que se repercutise nos usuarios o custo da reposición do sistema viario
El puente de Rande es uno de los puntos más problemáticos de la AP-9 por sus recurrentes atascos. RAFA FARIÑA
photo_camera A AP-9 e a ponte de Rande. RAFA FARIÑA

O Consello Consultivo de Galicia emitiu un ditame no que declara nula de pleno dereito a autorización do Goberno á última subida das peaxes na autoestrada AP-9, como contraprestación ás obras de ampliación no cinto de Santiago e na ponte de Rande.

E faio baixo o razoamento de que o real decreto 1733/2011 polo que se aproba o convenio para a ampliación da capacidade de varios tramos da autoestrada é contrario a dereito porque se baseou en preceptos da Lei de estradas e non, como debía, segundo esgrime, na Lei de contratos do sector público.

O mesmo criterio aplica para o real decreto 1359/2018, polo que se aprobou unha adenda ao convenio orixinal entre a administración xeral do Estado e a concesionaria da AP-9, Audasa, que validou a compensación, vía peaxes, de actuacións realizadas con anterioridade e non contempladas por Fomento.

A pesar de todo, recalca o Consultivo no seu informe, a administración validou ditas "actuacións incumplidoras" do convenio e procedeu a repercutilas no réxime de tarifas da concesión, "vulnerando completamente o procedemento legalmente establecido".

Ethel Vázquez recalcou que os dous reais decretos que o Consultivo considera nulos de pleno dereito foron promulgados por gobernos socialistas

Tamén reprocha que se repercutise nos usuarios o custo da reposición do sistema viario, na súa maioría contiguo á autoestrada, que se viu afectado as obras de ampliación.

Xulga o Consultivo que a subida das peaxes autorizada polo Goberno constitúe unha sorte de beneficio "fiscal encuberto" en favor da concesionaria, Audasa, concretamente na repercusión nas tarifas dunha variación da cota no imposto de sociedades.

A conselleira de Infraestruturas e Mobilidade, Ethel Vázquez, recalcou que os dous reais decretos que o Consultivo considera nulos de pleno dereito foron promulgados por gobernos socialistas.

Así mesmo, fixo fincapé en que a Xunta viña denunciando o "totalmente insólito" do último aumento das peaxes. 

Comentarios