martes. 26.05.2020 |
El tiempo
martes. 26.05.2020
El tiempo

¿Como leva o confinamento en Galicia?

Un mozo ante un videoxogo. AEP
Un mozo ante un videoxogo. AEP
A enquisa revela que se gasta máis en comida, que a terceira parte dos galegos deixaron de practicar sexo e que as mulleres traballan aínda máis en casa

A maior parte dos galegos declaran levar ben o feito de estar confinados. Tan só 17 de cada 100 enquisados din estar ao levar mal ou moi mal.

En relación á alimentación, a cuarta parte da poboación preguntada afirma que cambiaran de establecemento habitual de compra. Desta xente, a metade elixiu a tenda máis próxima e unha cuarta parte cambiou buscando unha tenda que lle inspirase máis confianza nas medidas hixiénicas para previr contagios. Só tres de cada dez persoas afirmaron que gastan menos en compra do que o facían antes. Gástase máis.

COCIÑA. O confinamento trouxo consigo un maior uso da cociña. De feito, oito de cada dez persoas afirman que deixaron de comprar comida a domicilio, cando antes era habitual.

WHATSAPP. Tamén se percibiu un crecemento no uso desta rede de comunicacións. Tres de cada dez enquisados afirman utilizalo moito máis. O mesmo ocorre co teléfono. Dous de cada tres persoas recoñecen falar máis.

RELACIONES SEXUAIS. O confinamento restou as oportunidades de practicar sexo para algo máis dun terzo da poboación, segundo a enquisa.

CASA. Esta nova forma de vida tamén demostra que as mulleres declaran máis dedicación a cociñar e a limpar, mentres que os homes aumentaron o seu tempo de lecer coa televisión e os videoxogos. Iso si, case a cuarta parte das mulleres recoñece que fai agora máis deporte do que facía antes.
 

Xestión | Aprobado, pero polas mulleres
Aínda que máis de dous terzos dos galegos aproban a xestión do Goberno central, a nota media que lle outorgan non é moi elevada xa que só supera por unhas décimas o aprobado (5,2).

Os que máis nota danlle son as persoas de máis idade, especialmente as mulleres, que dan, de media, un 5,5. Os homes son máis críticos e a súa puntuación media á xestión de Pedro Sánchez é un 4,7, que sería un suspenso.

Así mesmo, a nota media máis elevada dáse entre as persoas de máis idade, un 5,6.
Información
Dúas de cada dez enquisados afirmaron, por outra banda, estar moi informados aínda que recoñecen, con todo, que apenas lle dedican tempo diariamente á información.

¿Como leva o confinamento en Galicia?
comentarios