O conselleiro de Sanidade, Xullo García Comesaña, acaba de recibir este sábado a segunda dose da vacina contra a covid-19, segundo publicou na súa conta de Twitter.
Comesaña recibiu no Ifevi de Vigo esta vacina, tras a que xa quedará inmunizado coa pauta completa fronte á enfermidade. "Seguimos traballando cara á nova normalidade, pero sempre con 'sentidiño'", puxo na súa mensaxe en Twitter, tras informar da súa vacinación.
Este sábado vacínanse en Galicia unhas 41.000 persoas, segundo a Consellería de Sanidade, das que máis de 11.800 corresponden á área sanitaria de Vigo.