Os concellos de Cerdedo e Cotobade fusionaranse

Os municipios pontevedreses de Cerdedo e Cotobade comezarán desde este martes os trámites para a fusión, tal e como anunciaron os alcaldes das respectivas localidades, Jorge Cubela e José Balseiros, reunidos en Santiago co presidente da Xunta, Alberto Núñez Feijóo.O novo concello, que probablemente levará por nome Cerdedo-Cotobade e que será o segundo resultante dunha amálgama en Galicia nos últimos 60 anos tras a unión na Coruña de Oza e Cesuras, ocupará, segundo se avanzou na conferencia de prensa celebrada en Compostela, un territorio de 214,5 quilómetros cadrados de extensión e contará con 6.160 habitantes. Dáse a circunstancia de que os dous municipios, gobernados polo PP, pertenencen a partidos xudiciais diferentes.A fusión de ambos os concellos barallouse a finais da pasada lexislatura pero quedou aparcada pola oposición inicial dos municipios.O que se impulsou entón foi un consorcio, ao que se puxo por nome Conca do Lérez, e que permitiu que Cotobade, Cerdedo, Campo Lameiro e Forcarei compartisen servizos.Con todo, aos poucos meses do seu funcionamento, Forcarei decidiu a súa saída, debido a que a súa alcaldesa non estaba satisfeita cos resultados da alianza.A unión en 2013 de Oza e Cesuras foi a primeira na comunidade desde a integración de Celanova e Acebedo (Ourense) a principios de 1968. Un dos obxectivos declarados da Xunta era fomentar máis fusións en Galicia. E agora chega esta. FEIJÓO NON DESCARTA MÁS FUSIÓNS. Núñez Feijóo celebrou, así, que se comece a "consolidar" o obxectivo da Xunta de profundar na "cooperación municipal" sen que, "por fortuna", haxa que esperar "medio século" para que se materializase outra fusión de concellos, en alusión á pioneira unión en 2013 das localidades coruñesas de Oza e Cesuras. que recibirán neste ano parte do fondo específico para fusións.Para o presidente da Xunta, a unión de Cerdedo e Cotobade permite "que Galicia siga sendo pioneira na racionalización do mapa municipal de España nunha época que está un pouco orfa de grandes decisións" como a comunicada.O xefe do Goberno galego felicitou ás dúas corporacións locais e abriu a porta a futuras unións de concellos, dado que "Galicia non pode descartar outras fusións", que, en todo caso, virían amparadas polos "incentivos importantísimos" que existen tanto a nivel estatal, co achegue directo de 350.000 euros anuais durante cinco anos; como a nivel autonómico.BALSEIROS: "HABÍA UN PROBLEMA DEMOGRÁFICO GRAVE". Os alcaldes de Cerdedo e Cotobade defenderon durante a súa intervención a unión amparándose en que permitirá un axuste do gasto sen que isto leve perda algunha de servizos.O rexedor de Cerdedo, Silvestre José Balseiros, explicou que ambos os concellos estaban expostos a "un problema demográfico bastante grave" nunha área de marcado carácter rural a pesar da súa proximidade á cidade de Pontevedra.Foi esa "secuela" a que os levou, entende Balseiros, a tomar unha decisión que profunda na colaboración supramunicipal que estes dous entes mantiñan xa con anterioridade e que lles valeu, en 2012, unha mención especial nos premios Coopera.Segundo o rexedor cerdedense, as casas consistoriais de Cotobade e Cerdedo manteranse "abertas" para que a fusión non redunde na diminución dos "servizos de proximidade" e pediu a colaboración, "o máis intensamente que poidan", da Xunta de Galicia e a Deputación Provincial.Así mesmo, Balseiros agradeceu ao alcalde de Cotobade, Jorge Cubela, a súa "visión futurista" para coa unión dos municipios, a cal conseguiu convencelo de apostar polo proxecto.CUBELA: "É UNHA DECISIÓN HISTÓRICA". Pola súa banda, Cubela cualificou o inicio dos trámites como unha "decisión histórica" que eleva a Cotobade e Cerdedo ao "liderado político no municipalismo galego" e que permitirá facer "máis con menos". O rexedor de Cotobade afirmou que, ante a situación actual, podía resignarse "ou pór remedio e solución", como considera que fai a través desta unión.Os dous alcaldes evitaron pronunciarse acerca dos prazos de execución do proxecto e tamén sobre a composición da xestora que gobernará o concello final, alegando que o plan de fusión atópase aínda na súa fase inicial.