Un centenar de persoas foron desaloxadas do restaurante dun hostal en Sada (A Coruña) por mor dun incendio nunha das habitacións que puido ser provocado por unha sobrecarga nun enchufe, informan a Efe os bombeiros de Betanzos e Urxencias 112.
O restaurante foi desaloxado por precaución e ningunha persoa resultou ferida, máis aló dalgún cadro nervioso, e unha vez extinguido o lume puideron regresar ao interior do local.
O incendio declarouse sobre a unha e cuarto no lugar de Espírito Santo, onde acudiron os Bombeiros de Betanzos, o Servizo Municipal de Protección Civil, a Policía Local e a Garda Civil, detalla o 112.
Unha vez no hostal, os servizos de urxencia atallaron o lume, que calcinou a habitación na que se declarou o incendio, mentres que o resto de estancias que compartían corredor resultaron afectadas o fume.
