Un novo positivo por Covid-19 e a retirada de dous casos da lista por negativizar sitúan en sete os usuarios contaxiados en residencias de maiores de Galicia, mentres que os centros de discapacidade manteñen 13 contagios.
Segundo os datos facilitados este martes pola Consellería de Política Social, detectouse un positivo nun usuario da residencia de maiores Santo Estebo de Perlío en Fene (A Coruña), mentres que saen da lista por negativizar dous residentes do centro de Campolongo en Pontevedra.
Deste xeito, nas residencias de maiores a de Campolongo en Pontevedra conta con tres casos de Covid entre os seus usuarios; a residencia Bo Día Magnolio de Vigo ten dous; o Santo Estebo de Perlío de Fene, un; e a residencia de Val do Dubra, outro.
Pola súa banda, os centros de atención á discapacidade concentran 13 usuarios contaxiados, 10 deles na RGA Valverde de Allariz e tres no CAPD de Sarria.
