A Comisión Interuniversitaria de Galicia (Ciug) fixo público este venres o noveno chamamento á matrícula para o estudantado, cun total de 130 das 184 carreiras do sistema que xa non teñen prazas. Así, os máis atrasados terán posibilidades nos 54 graos con vacantes, repartidos nos sete campus.
Tras este, o décimo chamamento publicarase o 11 de outubro.
Proporcionalmente, o campus lucense é o que máis titulacións ten libres, xa que son case a metade, 10 de 21, aínda que a nivel cualitativo é o campus de Vigo o que aínda ofrece doce carreiras. En Santiago só quedan 7 de 45 e en Ourense, 7 de 19. Pontevedra apenas mantén tres graos abertos dos 12 que oferta, mentres que A Coruña mantén con prazas 10 de 40 e Ferrol, 5 de 14, segundo os datos que proporcionou a Ciug.
