A Sociedade Estatal de Loterías e Apostas do Estado (Selae) estima que cada galego gastará de media 15,67 euros no Sorteo Extraordinario do Neno deste venres, lixeiramente por baixo da media nacional, que se sitía nos 16,90 euros.
Así o reflicten os datos de consignación feitos públicos pola Selae e que indican que o organismo consignou a Galicia 214.022 billetes para este sorteo, o que supoñen 42,8 millóns de euros.
Galicia sitúase, así, décima CC.AA. en consignación por habitante, superada previsiblemente por Castela e León, cunha media de 25,75 euros, seguida de Asturias (25,46 euros), Comunidade Valenciana (22,55 euros), País Vasco (21,76 euros), A Rioxa (21,59 euros), Aragón (21,27 euros), Murcia (20,46 euros), Cantabria (18,87 euros), Castela-A Mancha (17,42 euros) e Madrid (17,16 euros).
Pola contra, os que menos van gastar este ano son os habitantes das cidades autónomas de Ceuta (3,71 euros) e Melilla (4 euros), seguidas das comunidades de Baleares (9,92 euros), Estremadura (11,59 euros), Cataluña (13,12 euros), Andalucía (13,31 euros), Canarias (13,77 euros) e Navarra (13,99 euros).
Por comunidades autónomas, onde máis Lotería vaise vender previsiblemente é na Comunidade Valenciana (112,3 millóns de euros consignados), seguida de Andalucía (111,8 millóns de euros), Madrid (110,4 millóns de euros), Cataluña (98,4 millóns de euros), Castela e León (63,6 millóns de euros), País Vasco (47,6 millóns de euros), Galicia (42,8 millóns de euros), Castela-A Mancha (35,8 millóns de euros), Murcia (30 millóns de euros) e Canarias (28,9 millóns de euros).
Por provincias, o gasto estimado máis elevado está en Lugo, con 19,41 euros por habitante –6,58 millóns de euros consignados–, seguida da Coruña –15,97 euros por habitante, 17,99 millóns–, Pontevedra –14,81 euros por persoa, 14 millóns– e, finalmente, Ourense, cunha media de 13,16 euros por habitante –4,19 millóns de euros.
630 MILLÓNS EN PREMIOS
O Sorteo Extraordinario de 'O Neno' da Lotería Nacional repartirá o próximo 6 de xaneiro un total de 630 millóns de euros, o que supón o 70 por cento da emisión en premios.
En concreto, o primeiro premio repartirá 2.000.000 euros por serie (200.000 ao décimo); o segundo estará dotado con 750.000 euros por serie (75.000 ao décimo); e o terceiro premio repartirá 250.000 euros por serie (25.000 ao décimo).
Deste xeito, a emisión deste sorteo ascende a 45 series de 100.000 billetes cada unha, ao prezo de 200 euros o billete, dividido en décimos de 20 euros. Así, o total da emisión é de 900.000.000 de euros.
Como xa ocorrese na edición de 2016, o Sorteo Extraordinario de 'O Neno' volve saír en 2017 do seu emprazamento habitual, no Salón de Sorteos de Loterías, para celebrarse ás 12.00 horas no Círculo de Belas de Artes de Madrid, polo sistema de Bombos Múltiples.
