A Garda Civil investiga a desaparición dun home, veciño do Carballiño, de 48 anos, que permanece en paradoiro descoñecido desde as doce do mediodía do luns.
Segundo informou a Comandancia de Ourense, a súa muller E.G.G, foi quen denunciou este luns que Julio González non regresou ao domicilio.
No momento da desaparición, o home, de 1,70 metros de altura, vestía "pantalón de chándal negro, sudadera azul da marca Joma e zapatillas azuis e grises".
O home atópase en tratamento "psiquiátrico por depresión" polo que a Garda Civil definiu a súa desaparición como "de alto risco".
