A Garda Civil busca a un mozo portugués de 18 anos veciño do concello pontevedrés de Baiona que desapareceu na tarde-noite do pasado venres, día 12 de abril.
Segundo informaron fontes da Garda Civil a Europa Press, o mozo, que vive en Baiona xunto coa súa nai, foise de casa "sen dar explicacións á noitiña".
Así mesmo, informaron que non é a primeira vez que desaparece. Ademais, a familia informou de que o rapaz padece autismo.
O desaparecido é moreno e delgado. A Garda Civil informou de que calquera persoa que poida ter información sobre el chame ao 062, ao propio 112 ou no 986 355 027. Así mesmo, foron alertadas as autoridades lusas da comisaría conxunta de Tui.
