As forzas da orde manteñen activado un dispositivo de procura para dar con Carlos Alberto Ares, un home de 48 anos de Silleda que leva desaparecido desde o xoves.
Segundo o cartel de alerta que compartiu en redes sociais a asociación SOS Desaparecidos, trátase dun veciño do lugar de A Bandeira de complexión normal e con calvicie total.
O día da súa desaparición, o pasado xoves 24 de xuño, Carlos Alberto Ares vestía un vaqueiro azul, un polo verde e zapatillas deportivas escuras.
O Concello de Silleda fixo un chamamento á colaboración cidadá a través das redes sociais para dar con el. "Se alguén ten algunha pista, rogamos se poña en contacto coas forzas da orde que están a traballar na súa procura", engade o Consistorio, que tamén expresa o seu "apoio á familia" desde o seu perfil de Facebook.
🔴ALERTA,DESAPARECIDO🔴
— Protección Civil Coruña (@PCivilCoruna) June 26, 2021
Carlos Alberto está desaparecido desde el 24 de Junio de 2021 en Bandeira,Silleda.
Si tienes cualquier información sobre su paradero:
☎️112
☎️062
☎️091#Desaparecido #missing #España #Galicia #Pontevedra #Silleda pic.twitter.com/wgKcI1GpFJ