O brote da residencia de Silleda suma 13 novos positivos e alcanza os 46 casos

No resto de centros de maiores de Galicia hai só catro casos máis entre os usuarios
Residencia de Silleda. DP
photo_camera Residencia de Silleda. DP

O brote de coronavirus vinculado a residencia de maiores Coviastec de Silleda alcanzou os 46 usuarios infectados tras detectarse 13 novos positivos. 

Segundo o balance actualizado este domingo polas consellerías de Sanidade e Política Social, as residencias de maiores da comunidade suman 50 usuarios contaxiados tras confirmarse os positivos de 13 residentes no centro Coviastec de Silleda. 

A residencia silledense mantense como a máis afectada, con 46 usuarios contaxiados. Ademais, o centro de maiores Santa Mariña de Xinzo de Limia rexistra tres infectados e na residencia DomusVi Laraxe de Cabanas hai un caso de covid-19. 

Así mesmo, contabilízanse seis traballadores de residencias de maiores con coronavirus tras detectarse tres novos casos entre profesionais do centro de Silleda. Así, esta residencia suma cinco empregados contaxiados e a de Caranza rexistra un. 

Pola súa banda, os centros de discapacidade mantéñense sen infectados entre os seus usuarios e tampouco presentan casos entre os seus traballadores. 

Comentarios