O Bribón, a bordo do que navega Juan Carlos I, gañou o Trofeo Viaxes Interrías de Sanxenxo, que se disputou durante todo este fin de semana.
A embarcación liderada polo presidente do Club Náutico de Sanxenxo e amigo do emérito, Pedro Campos, quedou cuarta na última manga, o que non lle impediu colocarse en primeira posición do ranking.
Esta foi a terceira xornada de regatas, con tan só unha proba disputada, tras a anulación este sábado das probas polas condicións meteorolóxicas adversas –principalmente inestabilidade na duración e intensidade do vento–.
Completan o podium Titia, tamén do Náutico da localidade pontevedresa, e Caprice, do Club de Canido; todos eles de bandeira española.
A entrega de trofeos, á que está previsto que acuda Don Juan Carlos, celebrarase ás 16,30 horas no peirao.
