Os bombeiros auxilian a unha muller maior que caeu da cama en Cee

A muller tiña pouca mobilidade

Efectivos dos Bombeiros de Cee axudaron na madrugada deste martes a unha muller de idade avanzada e con pouca mobilidade que caeu da cama nesta localidade.

Segundo relataron fontes dos bombeiros, ás 4,40 horas deste martes recibiron un aviso de que unha muller maior con pouca mobilidade caeu da cama na Avenida Fisterra no municipio de Cee.

Por iso, ao punto desprazáronse tres bombeiros nun vehículo para axudar a meter na cama á muller de idade avanzada que estaba "moi débil", sinalaron as mesmas fontes. Ás 5,10 horas concluíron a súa intervención.