Baixan a 112 os casos de covid nas residencias de maiores galegas

Os casos en residencias de maiores baixaron ata 112 positivos tras negativizarse dúas infeccións no centro Someray de Pontevedra, e sete no García Irmáns de Betanzos.

Ademais, non se rexistrou ningún positivo nas últimas 24 horas. 

Tal e como informou o Sergas, o total de casos activos en residencias complétase con 72 infeccións no centro de As Gándaras (Lugo), 20 na residencia García Irmáns de Betanzos, catro na de Santa Marta de Vigo e 11 na RM e Apt. San Vitorio de Baralla. 

Ademais, aínda queda un caso activo na residencia DomusVi Matogrande (A Coruña), na Santo Estebo de Perlío (Fene), outro na de Ribadeo, un máis na residencia de Val de Monterrei e outro na Someray de Pontevedra.

Centros de discapacidade

Con respecto aos centros de discapacidade, o número de total de usuarios contaxiados mantense en 51, con 48 usuarios contaxiados no Centro de Atención a Persoas con Discapacidade (CAPD) de Chapela-Redondela, e outros tres usuarios no Fogar e Clínica San Rafael de Vigo.