A gran demanda dos hostaleiros para acollerse ás axudas da Xunta de Galicia destinadas a instalar cerramentos, adaptar espazos exteriores e adquirir materiais de empaquetado de comidas e bebidas para o servizo a domicilio que axuden a garantir a seguridade sanitaria contra o covid levou á Xunta a incrementar a partida ata os once millóns de euros.
"Foron moitas as axudas que ao longo deste ano habilitamos para apoiar ao sector, pero unha das fundamentais é a que ten que ver coa adecuación dos negocios para adaptalos ás medidas de seguridade e sanitarias", dixo este xoves en Sanxenxo o vicepresidente primeiro da Xunta, Alfonso Rueda.
Acompañado do delegado da Xunta en Pontevedra, Luis López, Rueda visitou hoxe un dos 30 establecementos de Sanxenxo beneficiados destas axudas para poder desenvolver a súa actividade en tempos de pandemia e restricións, os cales, todos xuntos, recibiron 354.000 euros.
O orzamento inicial para estas axudas, concedidas a través da vicepresidencia segunda e Consellería de Economía, Empresa e Innovación, era de tres millóns, pero ante a alta demanda por parte dos hostaleiros, aumentouse dúas veces: primeiro ata aos sete millóns e despois ata os once.
Esta liña de axudas directas cobre ata o 80 por cento do investimento realizado polos hostaleiros e están dirixidas a autónomos e pemes de menos de 50 traballadores, que poden recibir entre 1.500 euros e 25.000.
O investimento medio dos establecementos beneficiados ata o momento por esta liña de axudas é
