O axente vigués ferido de gravidade en Barcelona será trasladado ao Álvaro Cunqueiro

O policía será evacuado nun avión medicalizado do Ministerio de Defensa
Momento en el que los agentes socorren al policía vigués. JUSAPOL
photo_camera Momento no que os axentes socorren ao policía vigués. JUSAPOL

O axente da Unidade de Intervención Policial (UIP) Iván Álvarez, ferido os disturbios de Barcelona tras a sentenza do procés, será evacuado proximamente nun avión medicalizado do Ministerio de Defensa desde a Cidade Condal ao hospital universitario Álvaro Cunqueiro de Vigo, o seu lugar de orixe.

Así o indicaron fontes policiais, que precisaron que o estado do axente mellora e iso permite que poida ser trasladado ata a súa cidade natal.

Foi o ministro do Interior en funcións, Fernando Grande-Marlaska, quen solicitou o avión medicalizado á titular de Defensa, Margarita Robles, quen non puxo inconveniente algún, engadiron as mesmas fontes.

Iván Álvarez resultou ferido de gravidade o pasado día 18 deste mes durante as cargas policiais en Barcelona e recibiu un forte golpe na cabeza.

Comentarios