Un home atracou este venres unha sucursal bancaria de Abanca na Grela, na cidade herculina, segundo confirmou a Europa Press un portavoz da Policía Nacional.
O atraco produciuse ao redor das 12.00 horas na sucursal que a entidade ten neste polígono. O autor dos feitos portaba unha arma, aínda que polo momento non se confirmou se era "real ou simulada".
As mesmas fontes explicaron que o atracador "levou algo de diñeiro", sen concretar a contía total que conseguiu subtraer tras cometer os feitos.