Localizan o cadáver dun home no río Sil

Trátase do corpo dun veciño de Rubiá desaparecido o pasado mércores

Os servizos de urxencia despregados na busca dun home que desapareceu a pasada tarde deste mércores en Rubiá atoparon o seu corpo sen vida no Río Sil. O achado produciuse ás 12:15 horas da mañá do xoves.

O 112 Galicia tivo constancia da desaparición do home ás 3:20 horas da madrugada do xoves, a través do 112 de Castela e León.

A partir de aí activouse un operativo de busca no que colaboraron, ademais dos axentes da Garda Civil, os efectivos do GES de Valdeorras.

Agora, as forzas da orde tratan de aclarar as circunstancias que rodean  a este suceso.