A superficie afectada por un incendio forestal activo desde as 12.18 horas deste luns na parroquia de Camelle, no municipio coruñés de Camariñas, ascende a unhas 40 hectáreas.
Segundo a información da Consellería de Medio Rural, para o control de lume foron mobilizados un técnico, catro axentes, seis brigadas, catro motobombas e catro helicópteros.
A Consellería de Medio Rural recorda o teléfono 085 no caso de detectar algún lume forestal e o número anónimo e gratuíto para denunciar actividade delituosa 900 815 085.
