A asociación Animalista Libera e a Fundación Franz Weber criticou o "triunfalismo" da Xunta de Galicia en relación co "plan secreto para exterminar aos xabarís en zonas urbanas e periurbanas de Lugo", porque "autorizáronse 45 cacerías con arco" para "matar unicamente a once animais".
Desde o seu punto de vista, o resultado dese plan desenvolvido na contorna de Lugo demostrou unha "ineficacia evidente", polo que insta aos demais municipios da provincia a rexeitar "as ocorrencias do goberno autonómico".
Na mesma liña, os animalistas rexeitaron "a opacidade dun proxecto cruel e innecesario", ao existir "numerosas alternativas para evitar a presenza de animais silvestres en zonas habitadas" e "o que é máis importante, en vías de tránsito rodado".
De feito, recordan que "unha vez máis a Xunta non ofreceu datos reais sobre o custo desta operación de exterminio", mentres "segue desenvolvendo medidas para facilitar a caza".
Ante esta situación, insisten ambos os colectivos na "utilidade de medidas non letais" como as que impulsou a Deputación de Barcelona e a Generalitat de Catalunya.
