O aeroporto coruñés de Alvedro rexistrou en febreiro un aumento de 40,6 % de pasaxeiros, respecto ao mesmo período do ano anterior, o que supón un dos maiores incrementos de España, segundo datos facilitados hoxe por Aena.
Segundo datos de Aena, a firma que xestiona a maior parte dos aeroportos españois, Alvedro rexistrou en febreiro un tráfico de 66.372 viaxeiros.
No conxunto de aeroportos da rede de Aena, o tráfico de pasaxeiros creceu en febreiro 3,1 %, o que representa un incremento por cuarto mes consecutivo.
Alvedro tamén tivo en febreiro un incremento de 23,7 % do número de operacións, un dos que máis aumento no conxunto de España.
