O Camiño de Santiago é un fenómeno de masas. Xente de todo o mundo percorre a ruta Xacobea por infinidade de motivos, agrandando a súa lenda. Con todo, chama a atención que algún que outro santiagués non realice o propio Camiño.
É o caso do presentador e humorista David Broncano. A pesar de que a maior parte da súa vida desenvolveuse fóra de terras galegas, o condutor de La Resistencia naceu en Compostela. Nun programa de marzo recoñecía que non peregrinara nunca.
Agora, Alfonso Rueda, vicepresidente da Xunta, lanzou unha invitación a Broncano. A través de Twitter, o político quixo "solucionar" que un santiagués "non fixera o Camiño". Con motivo do Xacobeo, Rueda proponlle ao cómico realizar a ruta este verán. "Prometemos non insistir co licor café nin coas montañas", afirma.
Llegamos tarde a este vídeo, @davidbroncano, pero que un santiagués no haya hecho el Camino, es algo a solucionar, sobre todo en #Xacobeo. Te animas a hacerlo este verano? Prometemos no insistir con el licor café ni con las montañas😉 https://t.co/ksk2qCk34o
— Alfonso Rueda (@ARueda68) May 30, 2021
Queda por ver se Broncano recollerá a luva e lanzarase á aventura do Camiño de Santiago.