No ano 2015 Alfonso Basterra e Rosario Porto foron condenados a 18 anos de prisión polo asasinato da súa filla Asunta. A pequena foi atopada sen vida nunha pista forestal de Teo na madrugada do 22 de setembro de 2013. Escasos días antes do quinto aniversario da súa morte e da detención dos seus proxenitores, a Lei Penal ponlles encima da mesa a posibilidade de acollerse a beneficios penitenciarios tras ser clasificados como recluídos de Segundo Grao, cumprir a cuarta para da súa pena e presentar unha boa conduta.
Con todo, varios expertos xurídicos consultados por El Correo Gallego que tales proveitos, como os permisos carcelarios, non se chegarán a conceder debido ao grande impacto que tivo o caso entre a poboación. "É moi pouco probable que esa graza se lles conceda agora, porque houbo un enorme reproche social ao seu crime", aseguran.
Tanto Basterra como Porto poderían solicitar a súa primeira saída de prisión durante os meses que quedan para que acabe o ano. De ser aprobada, gozarían dun máximo de 18 días.
A VIDA EN PRISIÓN. Segundo recolle o diario compostelán, tras o intento de suicidio de Rosario Porto, a presa alterna épocas de menor estabilidade emocional con outras nas que se lle pode ver "totalmente adaptada". No que si coinciden as fontes consultadas é que se trata dunha muller "decaída", "de baixa efusividad" e que non dá problemas.
Pola súa banda, Alfonso Basterra, atópase tranquilo e integrado nas actividades diarias da vida en prisión.