Alertan do desafiuzamento en Ferrol dunha muller e os seus catro fillos

O Foro Social de Ferrolterra afirma que se trata dunha "familia en situación de vulnerabilidade social", a cuxa principal integrante se lle acaba de conceder a Risga" hai escasamente uns meses"

O Foro Social de Ferrolterra alertou este martes do desafiuzamento dunha muller e os seus catro fillos, previsto para este próximo venres no barrio ferrolán de Telleiras.

Nun comunicado, asegurou que está previsto para as dez e media da mañá na vivenda que ocupan Cristina D. B. e os seus fillos, dous deles menores de idade; concretamente, de 11 e 16 anos.

A plataforma afirmou que se trata dunha "familia en situación de vulnerabilidade social", a cuxa principal integrante se lle acaba de conceder a Risga" hai escasamente uns meses".

Os colectivos que sustentan o Foro Social de Ferrolterra detallaron que se comunicou "esta situación ao delegado territorial da Xunta, Ovidio Rodeiro, o pasado venres, cando veu a Ferrol para ensinarlle a vivenda asignada a J. T. Z.", cuxo desafiuzamento se fixou para o 13 de febreiro.

Este luns reuníronse coa concelleira de Benestar Social do Concello de Ferrol, Saínza Ruiz, "para que os servizos sociais solicitasen o adiamento do lanzamento ata que se lle atopase unha alternativa residencial a esta familia".

Así, instaron ao "cumprimento do acordado no convenio entre Fegamp, Xunta e Consello Xeral do Poder Xudicial". 

Comentarios