Agriden a puñadas ao portavoz do BNG en Caldas de Reis

Manuel Fariña está a ser atendido no hospital de Montecelo ►O BNG asegura que o agresor é un empresario ao que Fariña denunciara como responsable dunha serie de verteduras ilegais nun monte
Manuel Fariña, en el centro de salud, acompañado por Luís Bará.DP
photo_camera Manuel Fariña, no centro de saúde, acompañado por Luís Bará e Eva Vilaverde.DP

O portavoz do BNG no municipio pontevedrés de Caldas de Reis, Manuel Fariña, foi agredido este xoves, segundo confirmaron a Efe fontes do partido.

Fariña, que está a ser atendido no hospital de Montecelo, presentará denuncia contra o seu agresor ante a Garda Civil cando abandone o centro sanitario.

Desde o BNG aseguran que o agresor do seu portavoz en Caldas é un empresario ao que Manuel Fariña denunciara como responsable dunha serie de verteduras ilegais nun monte da localidade.

A agresión produciuse despois de que o empresario fóra a casa do concelleiro para ensinarlle a zona de monte na que se rexistrou a vertedura, afirmando que o episodio fora resolto.

Ao constatar que a vertedura continuaba, o home alterouse e tras discutir con el agrediu a puñadas o edil do BNG e tirouno ao chan, segundo as fontes da formación política.

Foi o propio Manuel Fariña o que chamou aos servizos de urxencia, que o trasladaron en ambulancia ao hospital de Pontevedra para ser atendido das súas feridas.

Comentarios