A Garda Civil detivo a un veciño de Cambre que supostamente agrediu á súa parella e á súa filla, menor de idade, na vía pública e posteriormente escondeuse nun armario do domicilio das vítimas onde lle foron incautadas dúas navallas e unha coitela polos axentes que acompañaran ás mulleres á súa casa.
Segundo indica o corpo armado, unha testemuña avisoulle de que observara como nunha rúa dese municipio un home sacaba á forza dun vehículo a unha muller e a unha nena "empuxándoas posteriormente contra o chan".
Por mor desta alerta, unha patrulla da área de prevención desprazouse ao lugar dos feitos, onde achou a ambas as vítimas, constatando que a nai presentaba feridas que precisaron o seu traslado ao Complexo Hospitalario Universitario da Coruña (Chuac) para a súa asistencia.
Os axentes detiveron ao home, con antecedentes por feitos similares, como presunto autor dun delito de violencia de xénero e procederon á incautación das armas achadas no seu poder
Ante estes feitos, a Garda Civil activou un dispositivo de procura e localización do presunto agresor e os indicios apuntaron a que o home "con toda probabilidade" abandonara a localidade.
Dentro do marco das medidas de protección dispensadas ás dúas vítimas, os axentes acompañaron a ambas ata o seu domicilio, onde realizaron un rexistro da vivenda con autorización da nai.
No transcurso do rexistro, os gardas civís localizaron ao suposto agresor escondido no interior dun armario portando dúas navallas e unha coitela. Os axentes detiveron ao home, con antecedentes por feitos similares, como presunto autor dun delito de violencia de xénero e procederon á incautación das armas achadas no seu poder.
O detido, xunto coas actuacións realizadas e os efectos incautados, foi posto a disposición do Xulgado de Instrución de garda da Coruña.
