Acusan a un veciño de Vigo de vinte estafas por 100.000 euros en toda Galicia

Actuaría en Ribadeo, sete concellos de Pontevedra, tres de Ourense e un da Coruña
Guardia Civil. EP
photo_camera Garda Civil. EP

Un veciño de Vigo foi imputado como presunto autor de máis de 20 delitos de estafa en establecementos comerciais de distintas localidades galegas, onde pagaba os importes cun xustificante de ingreso bancario falso. As supostas estafas, que comezaron o pasado mes de maio, ascenden a 102.244 euros

Segundo o relato policial, esta persoa, que conta cun "amplo historial de antecedentes policiais", dedicábase fundamentalmente á compra de maquinaria agrícola, ferramentas e material audiovisual electrónico, que posteriormente vendía nunha coñecida cadea de establecementos de compravenda de obxectos de segunda man. 

O presunto autor dos feitos actuou en sete municipios da provincia de Pontevedra —Vigo, As Neves, Ponteareas, Redondela, O Porriño, Cañiza e Cangas—, tres na de Ourense —Cortegada, A Gudiña e San Cibrao—, un en Lugo (Ribadeo) e outro na Coruña (Cambre).

A Garda Civil explicou que se puideron recuperar ferramentas agrícolas e maquinaria audiovisual para a celebración de espectáculos públicos, ademais dun tracto-camión e o semirremolque dun escenario.