O corpo dunha persoa flotando no Río Umia, na localidade pontevedresa de Caldas de Reis, foi localizado na mañá deste mércores.
Segundo informou o 112 Galicia, sobre as 12.30 horas deste mércores un particular informou do incidente e asegurou que acababa de ver a unha persoa flotando no río.
Por iso, unha patrulla da Policía Local que, neses momentos se atopaba pola zona, confirmou ao persoal do 112 que a persoa xa a tiñan fóra da auga e que a estaban tratando de reanimar.
Persoal do 112 puxo os feitos en coñecemento do persoal sanitario e da Garda Civil. Do mesmo xeito, informaron aos Bombeiros do Salnés, GES de Valga e Protección Civil da localidade.
Finalmente, os servizos sanitarios, a pesar dos intentos de reanimación, confirmaron o falecemento da persoa.
