Un veciño localizou este sábado pola mañá un corpo sen vida na praia de Raeiros, no Grove. Atopábase dando un paseo pola zona cando atopou o cadáver.
O corpo presentaba aspecto de levar varios días na auga, aínda que polo momento descoñécense as circunstancias do falecemento, informa a Garda Civil.
O corpo presentaba varios golpes, segundo informan fontes da Garda Civil, polo que a autopsia determinará se a súa morte foi causada baixo circunstancias violentas ou estes danos foron causados no mar post mortem.
Pasadas as 13.00 horas o cadáver fora levantado após acudir o forense. Até o lugar desprazáronse para colaborar, entre outros medios, Policía Local do Grove.