Preto de 10.000 talleres repartidos por toda España revisarán gratuitamente (desde hoxe e ata o próximo 31 de xullo) amortiguadores, freos e pneumáticos dentro dunha campaña de sensibilización que a Confederación española de talleres de reparación de automóbiles e afíns (CETRAA) puxo en marcha.
O seu lema é Triángulo da Seguridade e nela colaboran a Dirección Xeral de Tráfico (DXT) e os fabricantes de recambios para o automóbil Bosch, Michelín e Monroe. O obxectivo é que os condutores se conciencien da importancia de facer as revisións dos seus vehículos a tempo, sobre todo daqueles elementos que máis inciden na seguridade do vehículo, como son as rodas, os freos e os amortiguadores.
CETRAA considera que as datas nas que se desenvolverá esta iniciativa son as máis oportunas, xa que coinciden coa operación saída de vacacións de verán e cun repunte da sinistralidade nas estradas españolas. Os condutores poden consultar na páxina www.triangulodelaseguridad.com os talleres adheridos á campaña, así como o material de apoio que cada unha das marcas colaboradoras incluíu.
A presidenta de CETRAA, Mari Carmen Antúnez, destacou na presentación desta iniciativa que o feito de que o parque automobilístico estea a envellecer é sintomático da situación económica que se vive. Con todo, descartou que isto supoña un aumento no número de accidentes na estrada, tal e como asegura a DXT.
Para Antúnez se un coche vello ten "ao día" o seu mantemento non ten por que representar un perigo nin para os seus ocupantes nin para o resto de usuarios da estrada.
