O Ribadeo recibe hoxe ao Sada co obxectivo de facer bo o punto sumado o fin de semana en Mugardos. O conxunto mariñán disputará ante os coruñeses un encontro que fora aprazado dunha xornada anterior polo mal estado do Pepe Barreira e que arrincará ás catro e cuarto da tarde.
Vilachá fará varios cambios respecto ao encontro do pasado sábado, en Mugardos, debido aos esforzos que están a realizar os xogadores en terreos de xogo moi complicados. O preparador do cadro mariñán recupera para o choque a Vilela, que entrará ademais na once inicial, e contará co persoal ao completo salvo Germán e Dani Daniel, que está lesionados.
