2
cerdedo
5
porto celeiro
Cerdedo Pastelería Mimela: Javier, Álex, Rafa, Fabián, Marcos -quinteto inicial-, Javi, Fran, Sergio, Pablo e Coto.
Porto Celeiro Viveiro: Álvaro, Girón, Fran, Xoel, Souca -quinteto inicial-, Darío, Bena e Hugo.
Árbitros: Jorge Varela Señariz e Miguel Santomil Lapido (delegación de Santiago).
Goles: Rafael e Fabián marcaron para o Cerdedo; e Girón (3), Souca e Darío fixérono para o Porto Celeiro Viveiro.
Incidencias: Encontro disputado no Pavillón Municipal Coto Ferreiro ante 150 espectadores.
O Puerto Celeiro Viveiro obtivo os tres puntos na pista do Cerdedo Pastelería Mimela, tras impoñerse por 2-5 nesta vixésima xornada da Primeira Nacional B de fútbol sala.
O cadro mariñán non atopou o seu xogo ata a continuación, xa que na primeira metade os lucenses mostráronse moi inseguros tanto en defensa coma en ataque. Os xogadores de Kiko Otero chegaban tarde a tódalas disputas e carecían de profundidade no seu xogo de ataque. Aos tres minutos de partido, os locais adiantábanse e subían o 0-1 ao marcador. No ecuador do primeiro acto, o Porto Celeiro igualaba porén un minuto máis tarde o Cerdedo poñíase de novo por diante no marcador (2-1). Os locais puideron aumentar as diferenzas cun lanzamento de penalti, que detiña á perfección un inspirado Álvaro, que evitou un resultado máis avultado nesta primeira metade.
Tralo paso pola zona de vestiarios, os lucenses melloraron a súa imaxe. Os mariñáns aumentaron a súa agresividade sobre a pista e dispuxeron de infinidade de ocasións. O Puerto Celeiro igualaba o partido nos primeiros minutos da continuación (2-2), A partir de aí, o encontro convertiuse nun completo monólogo do conxunto mariñán. O cadro de Kiko Otero recuperou infinidade de balóns na medular e saiu con perigo ao contragolpe. Co paso dos minutos a vantaxe subía para os intereses mariñáns, que chegaban aos tres últimos minutos cun resultado de 2-4.
Sentenza definitiva
O Cerdedo Pastelería Mimela tentaría a remontada co porteiro-xogador, porén a gran defensa do Porto Celeiro evitou calquera opción. A falla de trinta segundos para a conclusión os mariñáns sentenciaban o choque co definitivo 2-5. Na vindeira xornada, o Porto Celeiro Viveiro recibirá ao Automoción A Junquera no Pavillón Municipal de Viveiro.
