O Burela FSF Peixes Rubén non puido pechar con bo pé o seu enorme primeira volta, ao caer derrotado por 4-2 o xoves na cancha do Navalcarnero.
O alto nivel mostrado polo equipo mariñán non foi suficiente para saír como líder da pista madrileña e é o Atlético de Madrid o que termina na cabeza a primeira volta, aínda que só con tres puntos de marxe sobre as mariñás ao perder o sábado na cancha do Soto del Real, froito talvez do esforzo realizado ante o Burela FS.
A visita do Orvina servirá para arrincar a segunda volta ao conxunto que adestra Pardeiro, que cre que os cinco próximos encontros poden marcar o destino laranxa na competición. «Penso que son cinco xornadas fundamentais na loita polo título. Creo que algún equipo vai pegar forte e espero que sexamos nós. Se somos capaces de acadar os 15 puntos en xogo creo que poderemos ir a por todas», sinalou.