A enfermería do Breogán non descansa. Ás baixas de Norel, Arco e Úriz, sumáronse esta semana Johan Löfberg, por enfermidade, e Emir Sulejmanovic, que non se adestrou en toda a semana. Ambos os xogadores viaxarán a Burgos pero serán dúbida ata última hora.
Tamén Alec Brown, que se recupera dos seus problemas físicos, viaxará ata a cidade castelá, mentres que o cadro técnico valorará durante esta semana a súa posible presenza sobre a pista de Burgos. O posible regreso da á-pivote estadounidense será unha das bazas do Breogán para intentar dobregar ao San Pablo Burgos.
Entradas para a afección do Breogán
As primeiras 130 entradas cedidas por parte do San Pablo Burgos para os afeccionados do Breogán vendéronse en poucas horas. O club castelán leonés enviou outras 50 localidades que a última hora deste xoves estaban xa practicamente en mans de inchas breoganistas.
Natxo Lezkano destacou o apoio da afección e desexou que o público senta orgulloso do seu equipo. "que se despracen os nosos afeccionados é un aliciente máis para ser competitivos e que, pase o que pase, se amosen orgullosos de ser representados".