A titular do xulgado decretou prisión provisional comunicada e sen fianza por un delito de agresión sexual para os catro acusados de violar en grupo a unha menor neste municipio o pasado fin de semana. Segundo informou o Tribunal Superior de Xustiza de Cataluña (TSJC), a xuíz así o decretou ao considerar que existe un alto risco de fuga, de reiteración delituosa e de represalia contra a vítima.
Tres dos detidos acolléronse ao seu dereito a non prestar declaración, mentres que o cuarto si o fixo e contestou ás preguntas de todas as partes. Na xornada do martes declarou tamén a vítima, de 17 anos, acompañada dunha psicóloga do Servizo de Urxencias Médicas.
No seu auto, o xuíz asegura que a menor "manifestou verbalmente e de forma clara que non quería manter relacións sexuais", "pedíndolles que parasen e intentando apartalos sen conseguilo"
A violación implica o uso de violencia ou intimidación e supón penas moito máis elevadas que o abuso. A existencia de varios mozos de maior complexión e idade son motivos que así o xustificarían dado
A agresión sexual produciuse o pasado domingo ao redor das catro da madrugada nun piso do centro histórico de Manresa. As pescudas comezaron despois de que a moza, que tivo que recibir asistencia médica nun centro hospitalario, contactase co teléfono de urxencias 112 para pedir axuda co móbil dun dos seus agresores.
