A xornalista Begoña Alegría foi nomeada nova directora de Informativos de TVE por Rosa María Mateo, que este luns tomou posesión do seu cargo como administradora única de RTVE, segundo informou o ente público na súa conta de Twitter. Do mesmo xeito que Mateo, Alegría, que substitúe no cargo a José Antonio Gundín, exercerá o seu posto de xeito provisional ata que as Cortes elixan o futuro Consello de Administración mediante un concurso público.
Será un Comité de Expertos o que preseleccionará e avaliará aos candidatos a formar o Consello de RTVE e, de entre eles, ao seu presidente. Este Comité de Expertos reunirase o vindeiro venres para pechar os criterios que aplicarán para determinar a idoneidade da vintena de candidatos que se presentaron.