martes. 18.02.2020 |
El tiempo
martes. 18.02.2020
El tiempo

O primeiro debate da campaña emitirao TVE con Xabier Fortes como moderador

Xabier Fortes nun debate nas pasadas eleccións xunto aos entón catro principais candidatos. JUANJO MARTÍN (EFE)
Xabier Fortes nun debate nas pasadas eleccións xunto aos entón catro principais candidatos. JUANJO MARTÍN (EFE)
Terá lugar o 1 de novembro Emitiranse polo menos catro debates en televisión

A campaña electoral dos comicios xerais do próximo 10 de novembro contará con polo menos catro debates televisivos, nos que representantes dos partidos e os candidatos á Presidencia do Goberno confrontarán as súas ideas e programas.

Deste xeito, RTVE será a primeira que celebre, o vindeiro venres 1 de novembro, a partir das 22.00 horas, un debate electoral con portavoces parlamentarios dos sete partidos con representación parlamentaria, segundo confirmaron a Europa Press fontes da Corporación pública.

Neste encontro televisivo que moderará polo presentador de Los Desayunos de TVE, o pontevedrés Xabier Fortes, o día que arrinca a campaña participarán portavoces dos sete partidos con grupo propio no Congreso dos Deputados: PSOE, PP, Ciudadanos, Unidas Podemos, Vox, ERC e PNV.

Ao día seguinte, segundo anunciou laSexta, terá lugar o debate a oito que prepara laSexta Noche para o sábado 2 de novembro; e o 7 de novembro celebrará outro a cinco con políticas: María Jesús Montero (PSOE), Ana Pastor (PP), Inés Arrimadas (Cs), Irene Montero (Unidas Podemos) e Rocío Monasterio (Vox). 

El Debate en laSexta: a última oportunidade, moderado pola xornalista e directora de El Objectivo, Ana Pastor, emitirase tres días antes da celebración dos comicios o 10 de novembro e un día antes de que finalice a campaña electoral, o venres día 8.

Con todo, aínda queda por concretar a organización do cuarto debate electoral, no que participarían os líderes dos cinco partidos con maior representación parlamentaria: Pedro Sánchez, Pablo Casado, Albert Rivera, Pablo Iglesias e Santiago Abascal.

A semana pasada, a Academia das Ciencias e as Artes de Televisión e o Audiovisual anunciou que estaba "a establecer os contactos oportunos" coas forzas políticas para ser "o ente neutral" que poida organizar o vindeiro luns 4 de novembro un debate televisado entre os cinco principais candidatos á Presidencia do Goberno de España.

A institución que preside María Casado fixo este anuncio despois de que o Comité Electoral do PSOE decidise que o seu candidato, Pedro Sánchez, participe nun único debate a cinco, "con carácter neutral", o luns 4 de novembro, a mesma data que RTVE propuxera para organizar un debate a cinco que sería emitido por La 1, o Canal 24 Horas, TVE Internacional, RNE e RTVE.é.

Nas eleccións de 2008, 2011, 2015 e 2016, a Academia da Televisión ocupouse de ofrecer o sinal institucional dos debates á que podían acceder todos os medios de comunicación interesados en emitilo por televisión, radio, prensa e internet, tanto nacionais como internacionais. Esta perfílase como a opción máis probable nestes comicios. 

O primeiro debate da campaña emitirao TVE con Xabier Fortes como...
Comentarios