Un militar español, en estado grave tras sufrir un accidente en Bagdag

Estaba a piques de volver a casa tras finalizar a súa misión en Iraq. Atópase ingresado nun hospital alemán á espera do seu traslado a Madrid

Un militar do continxente español despregado en Iraq atópase en estado grave tras sufrir un accidente mentres realizaba actividades de lecer en Bagdag, segundo informou o Estado Maior da Defensa. Foi atendido no lugar polo persoal sanitario do continxente e posteriormente trasladado a un centro sanitario da zona, onde se lle realizaron probas que determinaron o seu traslado ao hospital de Ramsteim, en Alemaña. 

O militar, que acababa de finalizar o seu despregamento en Iraq como participante na Operación Inherent Resolve, sufriu un accidente no Centro de Apoio Diplomático de Bagdad (BDSC polas súas siglas en inglés) este luns.  A evacuación realizouse en avión medicalizado e o ferido atópase xa ingresado no centro hospitalario alemán con prognóstico grave, aínda que está previsto o seu traslado ao hospital Gómez Ulla de Madrid este mércores.

Dáse a circunstancia de que o membro do continxente español estaba á espera de volver a casa tras finalizar a súa misión en Iraq. O resto do continxente chegará a Melilla este mércores pola mañá.

Comentarios