Os dous últimos CDR que estaban en prisión abandonan Soto del Real

Ambos deberán cumprir outras medidas cautelares como a retirada do pasaporte, prohibición de saír de España ou comparecencias semanais no xulgado
Miles de personas se concentran en Sabadell por la libertad de los miembros de la CDR detenidos. ENRIC FONTCUBERTA (Efe)
photo_camera Concentración pola liberdade dos CDR. ENRIC FONTCUBERTA (Efe)

Os dous últimos membros dos Comités de Defensa da República (CDR) que estaban en prisión investigados por delitos de terrorismo saíron do cárcere de Soto del Real a última hora desta tarde, informaron a Efe fontes penais.

Tras pagar as fianzas impostas este venres polo xuíz da Audiencia Nacional Manuel García Castelló, os dous CDR abandonaron a prisión sobre as 20.45 horas.

García Castelló establecera fianzas de 30.000 e 50.000 euros a Jordi Ros e a Germinal Tomás Abueso, respectivamente, para que puidesen saír do cárcere.

Son os dous últimos CDR que quedaban encarcerados dos sete que foron detidos e investigados por planear supostamente actos de sabotaxe con explosivos como resposta á sentenza do procés.

O pasado 26 de decembro, quedou en liberdade baixo fianza de 10.000 euros Alexis Codina, e de 5.000, Ferrán Jolis

No entanto, ambos deberán cumprir outras medidas cautelares como a retirada do pasaporte, prohibición de saír de España ou comparecencias semanais no xulgado máis próximo ao seu domicilio.

García Castelló tivo en conta o arraigamento familiar, laboral e social de ambos, así como a situación na que se atopa a investigación.

O pasado 26 de decembro, quedou en liberdade baixo fianza de 10.000 euros Alexis Codina, e de 5.000, Ferrán Jolis. Previamente, saíran de prisión outros tres imputados, Xavier Duch, Xavier Buigas e Eduard Garzón, todos eles baixo fianza de 9.000 euros. 

Comentarios