Simón non ten "ningún temor" a ser investigado pola xestión do coronavirus

O director de Alertas e Urxencias Sanitarias insiste en que os efectos das manifestacións do 8M foron moi marxinais
Proc/JFIF/EFE-Calidad:Excelente
photo_camera Fernando Simón. EFE

O director do Centro de Coordinación de Alertas e Urxencias Sanitarias, Fernando Simón, non ten "ningún temor" a que se lle investigue pola xestión da Covid-19 e asegurou que "dará toda a información que teña que dar e o xuíz actuará como teña que actuar".

Esta era a resposta de Simón este luns en rolda de prensa sobre se ten medo a ser investigado no marco da querela presentada contra altos cargos de Sanidade, entre os que se atopa, pola xestión da pandemia.

"Comentáronme que alguén interpuxo unha querela", comentou Simón, tras sinalar que "persoalmente" non ten "ningún temor a que se me investigue ou non se me investigue".

Aínda que dixo que descoñece cal é o procedemento nestes casos porque nunca estivo "nunha situación como esta ,"o experto recoñeceu que non recibiu "ningunha información sobre nada" e insistiu en que tanto a nivel nacional como autonómico se fixo "todo o mellor que se puido" para combater a pandemia.

Respecto ao efecto que puido ter a manifestación do 8M en Madrid para o desenvolvemento da covid-19, Simón explicou que se revisaron os datos "mil veces" porque "naquel momento era importante facelo e posteriormente era importante verificar se influíra nos contagios.

Nos días ao redor do 8M e nas semanas previas houbo moitísimos máis eventos que puideron significar o mesmo

"E claramente o 8M, se tivo algún efecto na evolución da epidemia, foi moi marxinal", subliñou, ao sinalar que non cre conveniente "insistir neste tema e menos cando nos días ao redor do 8M e nas semanas previas houbo moitísimos máis eventos que puideron significar o mesmo".

O epidemiólogo recordou que a maior manifestación do 8M produciuse en Madrid, unha cidade cun dos metros mais saturados de España, no que se producen infinidade de contactos entre as persoas nos traxectos, o que podería ter un efecto nos contagios "moito mais grande que o que poida supor algún destes eventos".

Por iso, recalcou que "aínda que puidese haber un posible efecto dalgún destes eventos masivos, fóra o que fóra, enmascarouno". 

Comentarios