A costa norte de Tenerife rexistrou na noite do xoves un terremoto de magnitude 4, con epicentro no mar, que se sentiu en municipios repartidos por toda a illa, pero sen ocasionar danos persoais nin materiais, segundo informan o Instituto Xeográfico Nacional (IGN) e o 112.
O sismo produciuse ás 21.53 horas —hora canaria—, a uns dous quilómetros de distancia de Los Caletones, enclave da costa do municipio de Buenavista del Morte. De acordo cos datos recollidos polo IGN, o terremoto tivo o seu foco a 27 quilómetros de profundidade.
O movemento foi sentido en varios puntos de Santiago del Teide, Icod de los Vinos, Tacoronte e Guía de Isora con intensidade IV, o que significa, segundo a escala internacional que clasifica estes fenómenos, que hai moitos cidadáns que manifestaron que sentiron un tremor moderado nos seus edificios, que fixo tintinear fiestras, vaixelas ou portas, pero sen ocasionar danos.
Por toda a costa oeste de Tenerife sentiuse con intensidade III (percibido como un tremor leve por poucas persoas), o mesmo que na veciña illa de La Gomera. E no resto de Tenerife hai numerosas localidades onde se sentiu con intensidade II (percibido, pero por escasas persoas).
