O ministerio de Sanidade notificou 22.516 novos casos de coronavirus, 9.150 deles confirmados nas últimas 24 horas, co que a cifra total de contaxios desde o inicio da pandemia elévase a 1.328.832, e a de mortos a 38.833, 347 máis.
Por segundo día consecutivo, Sanidade consignou máis de 300 mortes, xa que este xoves rexistráronse 368 decesos.
Segundo os datos facilitados a Sanidade polas comunidades, Madrid volve situarse no primeiro posto en contaxios, con 1.744 novos positivos confirmados nas últimas 24 horas, seguida do País Vasco, con 1.240; de Aragón, con 973; e de Cataluña, con 855.
Ademais, a incidencia acumulada (casos por cada 100.000 habitantes) nos últimos 14 días baixou en dous puntos, ata 525. E a ocupación dos hospitais é do 16,28% fronte ao 18,35% do xoves, e a presión nas ucis subiu catro décimas, ata o 29,4%.
En concreto, a incidencia acumulada nos últimos 14 días por 100.000 habitantes sitúase en 525, fronte a 527 do xoves e 485 o venres pasado, cun total de 247.235 positivos nas pasadas dúas semanas.
Dos 9.150 casos diagnosticados nas últimas hroas, 698 producíronse en Andalucía, 973 en Aragón, 574 en Asturias, 81 en Baleares, 156 en Canarias, 308 en Cantabria, 190 en Castela-A Mancha, 41 en Castela e León, 885 en Cataluña, 76 en Ceuta, 123 en Comunidade Valenciana, 574 en Estremadura, 705 en Galicia, 1.744 en Madrid, 51 en Melilla, 153 en Murcia, 344 en Navarra, 1.240 en País Vasco e 234 na Rioxa.
Na última semana, faleceron 1.088 persoas con diagnóstico de covid-19 positivo confirmado en España. Ata 38.833 persoas con proba diagnóstica positiva faleceron desde que o virus chegou a España, de acordo cos datos recollidos polo Ministerio. No informe deste venres engadíronse 347 novos falecementos, en comparación cos 368 do xoves e os 329 do venres anterior.As 1.088 mortes nos pasados sete días distribúense do seguinte xeito: 186 en Andalucía, 123 en Aragón, 90 en Asturias, sete en Baleares, 10 en Canarias, 11 en Cantabria, 41 en Castela-A Mancha, 156 en Castela e León, 65 en Cataluña, dez en Ceuta, 59 en Comunidade Valenciana, 50 en Estremadura, 70 en Galicia, 61 en Madrid, oito en Melilla, 56 en Murcia, 40 en Navarra, 30 en País Vasco e 15 na Rioxa.
Actualmente, hai 20.209 pacientes ingresados por covid-19 en toda España (20.281 o xoves) e 2.833 en Uci (2.802 o xoves). Nas últimas 24 horas, producíronse 2.244 ingresos (2.421 o xoves) e 2.211 altas (2.339 o xoves). A taxa de ocupación de camas ocupadas por coronavirus sitúase xa no 16,28 por cento (16,35% este xoves) e nas Uci no 29,47 por cento (29,20% este xoves).
