España comprou máis de 640.000 test rápidos para o diagnóstico do covid-19 e os primeiros deles estanse distribuíndo este sábado, segundo anunciou este sábado a directora do Instituto de Saúde Carlos III, Raquel Yotti.
En rolda de prensa tras a reunión de seguimento do coronavirus, Yotti explicou que se compraron máis de 640.000 test que irán chegando "ao longo dos próximos días" e "sabemos que temos capacidade de chegar a 1 millón de forma moi rápida".
O primeiros test -dixo- están a distribuírse xa este sábado.
Estas probas rápidas ofrecen resultados en 15-20 minutos, o que fai que se poidan tomar decisións clínicas rápidas, destacou a directora do Instituto de Saúde Carlos III.
Ademais, Yotti anunciou que España vai comprar catro robots que permitirán realizar cada día 80.000 PRC para detectar o covid-19 e conseguir automatizar a realización destas probas.
Explicou que ata a data realizáronse en España un total de 355.000 determinacións de PCR (probas de reacción en cadea da polimerasa) en todo o país.
Cada día fanse entre 15.000 e 20.000 PCR, unha cifra similar á que teñen países da nosa contorna "incluso maiores", dixo Yotti, que recoñeceu que aínda así, desde o comezo da crise viron que se ían a necesitar mais.
Por iso, hai un mes expuxeron a empresas españolas a produción e comercialización destas probas diagnósticas e na actualidade hai catro empresas, ás que moi pronto se sumará unha quinta, que están a producir e comercializando en España kits de PCR.
