O Rei, en corentena dez días tras ter contacto cun contaxiado

Felipe VI suspende todas as súas actividades oficiais, pero a Raíña e as súas fillas, a Princesa de Asturias e a Infanta Sofía, poderán continuar coas súas axendas con normalidade
Felipe VI en el Foro La Toja. EFE
photo_camera Felipe VI. EFE

O rei Felipe tivo coñecemento de que unha persoa coa que este domingo tivo contacto próximo deu este luns positivo en covid-19, de maneira que gardará o preceptivo período de corentena de dez días e suspende todas as súas actividades oficiais, informou o Palacio da Zarzuela. 

A Casa do Rei aclarou que a Raíña e as súas fillas, a Princesa de Asturias e a Infanta Sofía, poderán continuar coas súas actividades con normalidade. 

Na familia real, dona Letizia xa tivo que gardar unha corentena preventiva —o pasado marzo, tras coincidir nun acto coa ministra Irene Montero, que deu positivo— e tamén a súa filla maior, Leonor, por un caso na súa clase. 

Este luns, o Rei presidiu a reunión do Consello Científico do Real Instituto Elcano, parcialmente telemática e en parte presencial no Palacio do Pardo. Pola tarde, recibiu en audiencia ao xeneral André Lanata, comandante do mando aliado de Transformación (SACT). 

A única actividade oficial do Rei para esta semana era, xunto á Raíña, un viaxe a Sevilla o mércores para a inauguración do Tourism Innovation Summit. 

Comentarios