O avance do coronavirus fixo este domingo que a Comunidade Foral de Navarra anuncie limitacións ao lecer e as relacións sociais a partir do martes e durante catorce días, aínda que, de momento, non se espuxo restrinxir a mobilidade, pero tampouco se descarta se nalgún municipio fose necesario.
Os últimos "malos" datos desa comunidade, como recoñeceu a súa presidenta, María Chivite, fixeron dar un paso máis e pór en marcha medidas, que afectarán as reunións, que non poderán superar as seis persoas, aos aforamentos e horarios da hostalería, e aos aforamentos do deporte, os eventos culturais, e vodas, comuñóns e funerais, entre outros actos.
A comunidade rexistrou catro novas mortes e 427 positivos. O 6 % dos novos casos seguen sendo persoas menores de 45 anos, mentres que os falecidos son dúas mulleres de 97 e 82 anos e dous homes de 92 e 88 anos.
Navarra non se expón en principio medidas máis restritivas á circulación de persoas, algo que si se podería estar a planear en Xixón, cuxa alcaldesa, Ana González, admitiu este domingo a posibilidade de que se teñan que aplicar se continúan aumentado os contagios.
No entanto, como sinalou Ana González, o equipo de goberno está á espera das decisións que adopte a Consellería de Saúde do Principado de Asturias, que "é a que marca as pautas".
En Cataluña, a consellera de Saúde da Generalitat, Alba Vergés, dixo que os datos de contaxio dos últimos días confirman "unha tendencia crecente da transmisión do virus", polo que pediu a implantación de medidas que supoñan unha menor mobilidade e interacción social.
Nesa rexión detectáronse 2.360 novos casos nas últimas 24 horas (111 menos que na véspera) e trece mortos (sete menos que os que se publicaron o sábado), aínda que o índice de crecemento potencial ou risco de rebrote (EPG) segue subindo e sitúase xa en 289,56, cun aumento de 14,67 puntos respecto ao sábado.
O número de persoas hospitalizadas é
Tamén preocupa Castela e León, que sumou 14 falecementos en hospitais da rexión e alcanzou os 925 positivos notificados, cun incremento notable do 19 % no número de brotes activos ao pasar dos 353 de onte aos 422 contados hoxe.
En Euskadi contabilizáronse 564 novos casos, unha cifra lixeiramente inferior á do día anterior (584), e un dato positivo é a diminución do número de persoas ingresadas nos hospitais, 16 en total, 24 menos que o venres, aínda que na UCI atópanse 47, dúas máis.
En Murcia, dúas persoas morreron e 318 foron diagnosticadas en últimas horas; en Cantabria tamén perdeu a vida un home de 78 anos con patoloxías previas, e detectáronse 70 novos positivos; e en Baleares faleceron dúas persoas e outras 98 foron contaxiadas.
Galicia lamentou tamén catro novas mortes, aínda que se retardou o incremento de casos activos na comunidade autónoma. Segundo os datos da Consellería de Sanidade, os casos activos son 4.379, 21 máis nun día. Do total de pacientes positivos, 35 están en UCI, 170 en unidades de hospitalización e 4.174 no domicilio.
Nun ano "normal", por estas datas Zaragoza estaría chea de flores, de fogos artificiais, de música e de xente nas rúas e os bares, pero o coronavirus levouse tamén por diante a celebración das súas festas patronais da Virxe do Pilar. En Zaragoza, por certo, as forzas de seguridade impuxeron 322 sancións ao longo do sábado e desta madrugada por incumprimentos relacionados coas medidas sanitarias: botellóns, sancións a establecementos públicos por carencia de licenza, exceso de aforamento ou por exceder a horario apertura.
E outra xornada máis, Madrid segue acaparando titulares. Esta mañá a vicesecretaria xeral do PSOE, Adriana Lastra, reuniuse con alcaldes socialistas do sur da rexión, afectados o estado de alarma, onde remarcou que o Goberno de Pedro Sánchez tivo que facer "o que non foi capaz" o da comunidade.
Lastra asegurou que a "incompetencia" da presidenta madrileña, Isabel Díaz Ayuso, e a "obsesión" do líder popular, Pablo Casado, de usar esta rexión contra o Goberno converteron a Madrid "no centro da pandemia en Europa". "Deixe de ordenar a Ayuso confrontar co Goberno", dixo Lastra a Casado.
No encontro, o secretario xeral dos socialistas madrileños, José Manuel Franco, defendeu tamén as medidas adoptadas en Madrid por Sánchez, que "buscou máis a protección da saúde que un puñado de votos", e asegurou que o estado de alarma "era a única saída".
Co estado de alarma recentemente declarado, a presidenta Ayuso cargou nunha entrevista no Mundo contra Sánchez e o seu Goberno, ao que acusa de autoritario "": cre que xa tiña decidido desde o principio intervir na capital e comprométese a esixir levantar esta medida excepcional cada día.
Ademais, o alcalde de Madrid, José Luís Martínez-Almeida, dixo nunha rolda de prensa que, tendo a conta o comportamento "exemplar" dos madrileños á hora de acatar as normas, o despregamento dos corpos de Seguridade do Estado para controlar as saídas da cidade foi, ao seu xuízo "desproporcionado".
E volveu a lamentar que sempre se sinale a Madrid" cando outras comunidades, como Navarra, presentan datos peores e considerou que "nestes momentos un cidadán navarro ten o dobre de posibilidades de infectarse accidentalmente que un madrileño".
