Dous nenos, de 7 e 10 anos, faleceron este mércores afogados en sendas piscinas de Alicante e Zaragoza. O primeiro morreu tras quedar unha das súas mans atrapada na reixa do sumidoiro da depuradora, situada no fondo da piscina.
Fontes policiais informaron de que se tivo constancia do suceso ao redor das 15.45 horas e de que, ao parecer, nese momento non había socorrista na piscina, que é comunitaria nunha urbanización. O menor, de nacionalidade brasileira, quedou atrapado na reixa do fondo do vaso da piscina en circunstancias que se están investigando.
Varios veciños lanzáronse á auga para tratar de sacalo, pero sen éxito. O primeiro corpo de urxencias que chegou foi a Policía Local, que lle practicou ao neno as manobras de reanimación cardiopulmonar, sen resultado. O persoal dunha ambulancia tamén tratou sen éxito de reanimar o pequeno.
O outro afogamento rexistrouse nas piscinas de La Puebla de Alfindén, en Zaragoza, onde o neno de 10 anos estaba de
Segundo explicaron fontes do Goberno de Aragón, o suceso ocorreu sobre as 11.30 horas deste mércores. Deuse aviso ao 061, pero as manobras de reanimación non tiveron éxito.
